المشكلة اللي اتبلّغت: نفس اللاعب متسجّل مرتين بنفس الرقم القومي — مرة
كعضو ومرة كغير عضو. اتأكدت من الداتا الحية: فعلاً فيه 7 أرقام قومية
مكررة، واحد منهم متكرر 4 مرات. شاشة تسجيل اللاعبين ما كانش فيها أي فحص
للتكرار، والـ index على العمود non-unique.

المنع:
- PlayerController::store() و ::update() بقوا يرفضوا أي رقم قومي مسجّل
  للاعب تاني، ويقولوا اسم اللاعب ورقمه عشان الموظف يفتح ملفه بدل ما
  يسجّله من جديد.

التنضيف (شاشة جديدة /sa/players/duplicates):
- بتعرض كل مجموعة مكررة وجوّاها اللاعبين، وقدّام كل نسخة عدد السجلات
  المرتبطة بيها (اشتراكات، حضور، بطاقات، مستندات...) عشان الموظف يعرف
  النسخة اللي عليها شغل فعلي.
- بتفرّق بين «نفس الاسم» و«أسماء مختلفة» وبتحذّر: مش كل تكرار هو نفس
  الشخص — أحياناً حد كتب رقم قومي غلط لشخص تاني.
- إجراءين: دمج (بينقل كل السجلات للنسخة المختارة ويأرشف الباقي)، أو
  تفريغ الرقم القومي لو اتضح إنهم أشخاص مختلفين.
- الدمج كله في transaction، ومفيش حذف نهائي — النسخ المدموجة بتتأرشف
  بملاحظة توضّح اتدمجت في مين.

ملاحظة مهمة في التنفيذ: في الداتابيز 45 عمود اسمه player_id، لكن كتير
منهم بيشاور على جدول players بتاع «شؤون اللاعبين» — جدول تاني خالص.
فالدمج بيشتغل على قايمة جداول مكتوبة بإيد ومتأكد منها، مش على اسم العمود،
عشان ما نخربش بيانات موديول تاني.

كمان: مسمّى «إيداع ورقة قبض برسم التحصيل» في قيود الأوراق التجارية اتغيّر
لـ «تسليم ورقة قبض للبنك للتحصيل» — «برسم التحصيل» مصطلح بنكي معناه
«عشان يتحصّل»، بس بتتقري كأن فيه رسم اتخصم.